Унгар Улсын Үндэсний Ассамблейн дарга Көвер Ласлогийн урилгаар МонголУлсын Их Хурлын дарга Г.Занданшатар Унгар Улсад айлчилж байна. Айлчлалын үеэр Улсын Их Хурлын дарга Г.Занданшатар тус улсын Ерөнхийлөгч Томаш Шүйокт бараалхлаа.
Унгар Улсын Ерөнхийлөгч Томаш Шүйок хувийн хуулийн фирм, Үндсэн хуулийн цэцийн гишүүн, дэд даргаар ажилласан туршлагатай. Тэрээр 2016 оноос хойш Үндсэн хуулийн цэцийн даргаар ажилласан бөгөөд эрх баригч Фидес намын санал болгосноор 2024 оны 2 дугаар сарын 26-ны өдөр Унгар Улсын Ерөнхийлөгчөөр сонгогдон тангараг өргөсөн. Түүний дараа энэ сарын сарын 5-ны өдөр үүрэгт ажилдаа албан ёсоор ороод байна. Монгол Улсын Их хурлын дарга Г.Занданшатар шинээр сонгогдсон Ерөнхийлөгчид бараалхаж буй анхны зочин ажээ.
УИХ-ын дарга Г.Занданшатар, эрхэмсэг ноён Ерөнхийлөгчтэй уулзаж байгаадаа талархал илэрхийлээд Унгар Улсын Ерөнхийлөгчөөр томилогдон үүрэгт ажилдаа орсонд тань баяр хүргэж, Монгол Улсын Ерөнхийлөгч Ухнаагийн Хүрэлсүхийн чин сэтгэлийн мэндчилгээг уламжиллаа. Мөн Унгар Улс нь манай улсын Европ дахь итгэлт түншүүдийн нэг бөгөөд харилцаа, хамтын ажиллагааг бүхий л салбарт өргөжүүлэн баяжуулах манай улсын гадаад бодлогын тэргүүлэх зорилтуудын нэг юм. Монгол Улс Унгар Улстай 1950 оны 4 дүгээр сарын 28-ныөдөр дипломат харилцаа тогтоосон. Найрсаг харилцаа, хамтын ажиллагаатай. Манай хоёр улс эртнээс ойр дотно хамтран ажиллаж ирснийг тэмдэглэхэд таатай байна. “Зовох цагт нөхрийн чанар танигдана” гэдэгчлэн Ковид-19 цартахлын хүнд цаг үеийг даван туулахад манай улсад нэн шаардлагатай эмнэлгийн тоног төхөөрөмжийг хандивласан Унгар Улсын төр, засагт нэн талархалтай байдаг. Мөн хоёр улсын хамтын ажиллагааны илэрхийлэл болсон Байдрагийн усан цахилгаан станцыг барих ажлыг эхлүүлэх болсон гэх зэргээр хоёр улсын хамтын ажиллагааны талаар танилцууллаа. Унгар Улсын Ерөнхийлөгч Томаш Шүйок, Монгол, Унгарын харилцаа, хамтын ажиллагаа сүүлийн жилүүдэд хоёр талын хүч чармайлтын дүнд идэвхтэй өрнөжбайгаад сэтгэл хангалуун байгаагаа илэрхийлээд парламент хоорондын хамтын ажиллагаанд ихээхэн ач холбогдол өгч байна хэмээн онцоллоо гэж Улсын Иххурлын Хэвлэл мэдээлэл, олон нийттэй харилцах газраас мэдээллээ.
Сэтгэгдэл
Ангилалууд
Нийгэм
![img](http://dursamj.mn/uploads/posts/2024-09/medium/1725553878_img_5302.jpeg)
Нийслэлийн ХҮН нам НИТХ-д нэр
![img](http://dursamj.mn/uploads/posts/2024-09/medium/1725551866_fhj.jpeg)
Жүжигчин Э.Батхүү хуримаа хийнэ
![img](http://dursamj.mn/uploads/posts/2024-09/medium/1725246223_458204669_122103784754498715_3495562459020890437_n.jpg)
Олон улсын цахим худалдааны экспо Хятад
![img](http://dursamj.mn/uploads/posts/2024-08/medium/1725011710_144612672_1102810776850941_8891357141179618166_o.jpg)
Л.Оюун-Эрдэнэ: Олон жил ужгирсан
![img](http://dursamj.mn/uploads/posts/2024-08/medium/1724666232_07cc005a1341515beb1654e2e2da2b0c_x3.jpg)