ИНЕГ, Гүрэн дээд сургуультай хийсэн 640 сая төгрөгийн гэрээний цаана юу байна вэ?

Олон улсын шинэ нисэх буудлыг ашиглалтад оруулахаас өмнө иргэний нисэхийн ерөнхий газрын харьяа алба, салбарын ажилтнуудын чадварыг нэмэгдүүлэхээр Иргэний нисэхийн ерөнхий газар "Гүрэн” гэх дээд сургуультай ямар ч сонгон шалгаруулалтгүйгээр 640 сая төгрөгийн гэрээ хийжээ.

Тус гэрээнд "Иргэний нисэхийн ерөнхий газрын алба, салбаруудын ажилтнуудад Иргэний нисэхийн салбарын менежмент, Нисэх буудал газрын үйлчилгээ, ачаа тээвэр, аюулгүй байдлын чиглэл”-д олон улсад хүлээн зөвшөөрөгдөх мэдлэг сургалтын үйлчилгээ үзүүлэх гэрээ хэмээн цохолжээ. Өөрөөр хэлбэл

ИНЕГ нь өөрийн харьяа гэгдэх сургалт судалгааны төвтэй атал ийнхүү нэр ус нь тодорч, танигдаагүй дээд сургуультай гэрээ хийх учир юунд байв. Ямар нэр хүнд, албан тушаалтай эрхмийн мэдлийн дээд сургууль нэртэй сургалтын төв болохыг мэдэхгүй ч хэний хүүд, хэн сонгон шалгаруулалтгүйгээр гэрээ хийх эрх мэдэл өгсөн бэ?

Бүхэл бүтэн нэг улсын иргэний нисэхийн ерөнхий газрын хамгийн чухал зүйл болох аюулгүй байдлын зөвлөхийг сонгосон ,хэр чанартай боловсон хүчин бэлтгэдэг эсэхийг мэдэх боломжгүй байтал дур мэдэн ИНЕГ өөрийн давуу байдлаа ашиглан сонгон шалгаруулалтгүйгээр тус сургуулийг зөвлөх сургууль болгосон нь гол хардах сэжүүр болоод буй юм.