Эдийн засаг:
Коронавирустэй холбоотой хязгаарлалт өнөөдрөөс эхлэн Итали даяар хэрэгжихээр боллоо. Энэ зарлигт Италийн Ерөнхий сайд Жузеппе Конте гарын үсэг зурсан байна.
Засгийн газар Ломбардия болон бусад 14 мужид гуравдугаар сарын 7-8-нд шилжих шөнө авсан арга хэмжээ мягмар гарагаас эхлэн дөрөвдүгээр сарын 3-ныг хүртэл улс орон даяар хэрэгжинэ. Хязгаарлалтын арга хэмжээний үеэр онц байдлаас бусад тохиолдлын шилжилт хөдөлгөөнийг зогсоож байна. Мөн сургууль, цэцэрлэг, их сургуулиудыг дөрөвдүгээр сарын 3-ныг хүртэл хаажээ. Түүнчлэн мягмар гарагаас эхлэн баар, ресторан, паабууд, дисконы газруудыг 18:00 цагаас хойш хааж, хурим, оршуулга зэргийг хоригложээ. Музей, театр, кинотеатрууд ажиллахгүй юм байна. Харин нийтийн тээврийн хөдөлгөөнийг зогсоохгүй.
Италийн Засгийн газар энэ байдлаар коронавирусын түргэн тархалтыг зогсоохоор болжээ. Гуравдугаар сарын 9-ний байдлаар Италид 9172 хүн халдвар авснаас 463 нь нас барж, 724 нь эдгэж, 700 гаруй нь эрчимт эмчилгээнд байна.
Эх сурвалж: https://iz.ru/
Орчуулсан: Э.МАРТ
Сэтгэгдэл
Ангилалууд
Нийгэм
CONNECTED-2024: Ирээдүйн дүр төрхийг
17-10-2024, 18:01
Ирээдүйд юу болох бол?
16-10-2024, 09:11
Бага насны хүүхдийг зодсон цэцэрлэгийн
15-10-2024, 11:48
"Намрын Хит - 2024" шилдгийн шилдэг
15-10-2024, 08:46
БАРИМТ: Х.Баттулга ҮХАА-н сайд байхдаа
8-10-2024, 12:49