Цар тахлын үед дэлгүүрт орохдоо мөрдөх ДОЛООН дүрэм

Олон дэлгүүрт тэрэг, сагсны дэргэд гар ариутгагч байрлуулсан байгаа. Гэхдээ л та гэрээсээ эдгээрээс аль нэгийг нь авч гараарай. “COVID-19” вирус пластик гадаргуу дээр 2-3 өдөр хадгалагддаг нь судалгаагаар тогтоогдсон. Үүнээс гадна тэрэг, сагснаас гадна хаалганы бариул, өөртөө үйлчлэх дэлгэц зэрэг халдвар дамжуулах эрсдэлтэй зүйлүүд дэлгүүрт олон бий. Тэдгээрт хүрэхдээ болон хүрснийхээ дараа гараа ариутгагчаар арч. Эсвэл дэлгүүрт орохдоо бээлий өмс. Харин гараад шууд хаяхаа мартуузай.

Нүд, хамар, амандаа хүрэхгүй байхыг дэлхий даяар зарласаар, анхааруулсаар байгаа.

Худалдаж авах зүйлсийнхээ жагсаалтыг гар утсан дээрээ хадгалдаг бол үүнийгээ зогсоо. Үүнийхээ оронд жагсаалтаа цаасан дээр бич. Гар утасны дэлгэц нь байнга хүрдэг зүйлсийн нэг учир дэлгүүрт байхдаа утсаа далд хийж, аль болох хүрэхгүй байгаарай.

Шинэхэн ногооны хажуугаар түлхэлцэн шахцалдах хүмүүс таны тэвчээрийг барж, дуусахаас нь өмнө та ч гэсэн ногоо руу зүтгэчихмээр байсан ч тэвч. Хүмүүсээс 1.5 метрийн зайд бай. Одоо ихэнх дэлгүүрт таныг хаана зогсож хүлээхийг заасан тэмдэг байрлуулсан байгаа.

Худалдан авч буй бүтээгдэхүүнийхээ сав, баглаа боодлынх нь бүрэн бүтэн байдал болон тухайн бүтээгдэхүүний бүтэн байдлыг шалгаж аваарай.

Амталгаанд зориулан тавьсан зүйлс хорхойг тань хүргэж байсан ч хажуугаар нь өнгөрөөд яв. Одоо та амтлах цаг биш. Нийтэд зориулан тавьсан хоол унд руу хэчнээн хүний амьсгал орж, бүр найтаасан ч юм билүү хэн мэдлээ!

Гараас гарт дамжсан мөнгийг та худалдагчид өгч, тэр танд мөн л гараас гарт дамжсан хариулт өгнө. Иймээс картаар тооцоо хий.