УИД-ийн дээд давхар шатаж байна

УИД-ийн дээд давхар шатаж байна. Тус дэлгүүрийн дээд давхарт номын, бэлэг дурсгал, үндэсний хувцасны дэлгүүрүүд байрладаг. Онцгой байдлын албанд ирүүлсэн дуудлагын дагуу 16:50 цагийн орчимд гал унтраах, аврах ангийнхан очиж галыг унтраахаар шуурхай ажиллаж байна. Гал түймэр унтраах хоёр ангийн 3 тасгийн 24 гал сөнөөгч галыг унтраахаар ажиллаж байна. Дээд давхар нь бүхэлдээ шатжээ. Одоогоор галын шалтгаан тодорхойгүй байна.