Орост Ми-8 нисдэг тэрэг сүйрчээ

Хоёрдугаар сарын 28-ны мягмар гарагт Оросын Мурманск мужид Ми-8 нисдэг тэрэг сүйрчээ. Энэ талаар шуурхай албанаас авсан эх сурвалжтайгаар Интерфакс агентлаг мэдээлсэн байна. 
 

Эх сурвалжийн мэдээлснээр, Ловозероос холгүйхэн нисдэг тэрэг сүйрсэн, сүйрэх үед хөлөгт найман хүн байснаас дөрөв нь гэмтсэн аж. Энэ нисдэг тэрэг иргэний нислэг үйлдэж байсан бөгөөд газардах зурвас руу орохоос гурван километрийн зайд сүйрчээ.

 
Ми-8 нисдэг тэрэгний зорчигчид дунд нэг хүүхэд байсан гэж Mash мэдээлсэн байна. Нисдэг тэрэгний нисгэгч хүнд гэмтжээ. Ослын шалтгаан нь нислэгийн алдаа эсвэл техникийн гэмтэл байж болзошгүй гэж агаарын албаныхан мэдээлснийг ТАСС дамжуулсан байна.
 
Г.Бямбасүрэн
http://www.shuud.mn/a/547594скачать dle 12.0