Алт олборлосон 36 хүнийг саатуулж, 130 сая төгрөгийн АЛТ ХУРААЖ АВЛАА

Экологийн цагдаагийн албаны алба хаагчид хууль бусаар алт олборлосон этгээдүүдийн үйлдлийг таслан зогсоож, техник хэрэгсдлийн хамт хураан авч мөрдөн шалгах ажиллагааг эхлүүлж байна.

Тодруулбал, албаныхан Булган аймгийн Бүрэгхангай сум, Төв аймгийн Заамар сумын нутаг дэвсгэрт хууль бусаар ашигт малтмал олборлож байсан Б, О нарын нэр бүхий 9 этгээд, Б, Н нарын нэр бүхий 26 этгээд, хууль бус алтыг худалдан борлуулдаг байж болзошгүй Я нарын үйлдлийг таслан зогсоожээ.

Улмаар хууль бусаар ашигт малтмал олборлоход ашигласан экскаватор, том оврын автомашин, дунд оврын автомашин, техник хэрэгсэл 17, бусад техник хэрэгсэл, алт угаахад ашигласан тоног төхөөрөмжийг битүүмжлэн хурааж, хууль бусаар олборлосон зах зээлийн ханшаар 135,408,000 орчим төгрөгөөр үнэлэгдэх 644,8 грамм алтыг эд мөрийн баримтаар хураан авч, гомдол мэдээллийн бүртгэлд оруулан мөрдөн шалгах ажиллагааг үргэлжлүүлж байна.