“Тавантолгой төмөр зам” компанийн халагдсан ажилчдыг хориглосон газарт архидан согтуурсан хэмээн ₮25,000-аар торгожээ

“Тавантолгой төмөр зам” ХХК-ийн зарим ажилтны зүй бус үйлдэл бүхий бичлэг олон нийтийн цахим сүлжээнд цацагдаж, тус компанийн зүгээс холбогдох ажилтнуудыг энэ сарын 20-ны өдөр ажлаас нь чөлөөлснөө мэдэгдэж байв.

Харин Цагдаагийн байгууллагаас цахим орчинд тархсан бичлэгтэй холбогдуулж Сүхбаатар дүүргийн цагдаагийн газрын нэгдүгээр хэлтсээс зөрчил шалган шийдвэрлэх ажиллагааг явуулжээ.

Тэдний “Согтууруулах ундаа хэрэглэхийг хориглосон газарт архидан согтуурсан” үйлдэлд Зөрчлийн тухай хуулийн 5.1 дүгээр зүйлийн 2 дах хэсэгт зааснаар 25 нэгжээр буюу 25,000 төгрөгөөр торгох шийтгэл оногдуулсан байна.