Бага насныхан богино хугацаанд хатгалгаагаар хүндэрдэг синцитиал вирусээр халдварлаж байна

Томуу, томуу төст өвчин 11-р сараас идэвхжиж, 12, 1, 2-р сард өвчлөл оргил үедээ хүрдэг. Бага насны хүүхдийг томуугийн халдвараас сэргийлэхийн тулд: 

• Хүүхдийн дархлааг дэмжих
• Амны хаалт тогтмол зүүлгэх
• Гарыг зөв дарааллаар угаалгах
• Амин дэмээр баялаг, чанартай хоол хүнс идүүлэх  
• Халуун бүлээн шингэн уулгах
• Дулаан хувцаслах
• Олон нийтийн газраар дагуулж явахгүй байх нь эрсдлээс сэргийлнэ. 

Хоёр хүртэлх насны хүүхэд амьсгалын замын өвчний улмаас уушгины хатгалгаагаар хүндэрч эмнэлэгт хэвтэх эрсдэл өндөр байна. 

Ялангуяа амьсгалын замын синцитиал вирусын идэвхжил өндөр байна. Энэ вирусын гол хоруу чанар нь 2 хүртэлх насны хүүхдүүдийг богино хугацаанд уушгины хатгалгаагаар хүндрүүлэх эрсдэл өндөр байдаг. Энэ вирусийн эсрэг вакцин байхгүй тул томуугаас сэргийлэх энгийн аргуудыг хэрэглэхийг ЭМЯ-наас зөвлөв.