М.Цэвэлмаа олон нийтийн санал асуулгаар зургаад жагсчээ

Англи улсын Лондон хотноо зохион байгуулагдаж буй “Дэлхийн мисс-2019” тэмцээнд 130 орны гоо бүсгүйчүүд оролцож байгаа. Энэхүү тэмцээнд эх орноо төлөөлөн оролцож буй М.Цэвэлмаагийн танилцуулга видеог 142000 хүн үзэж, нийт үзэлтийн тоогоор хоёрдугаар байрт явж байна. 

М.Цэвэлмаагийн авьяасын үзүүлбэр топ 20-д, хүмүүнлэгийн ажил топ 10-т багтаад байгаа билээ. Мөн олон нийтийн санал асуулгаар ч дээгүүр эрэмбэлэгдэж байгаа юм. Тэрбээр авьяасын шалгаруулалтад “The Hu” хамтлагийн “Yu ve Yu ve” дуун дээр морин хуур, хөөмий, Монгол бүжгийн хослосон үзүүлбэр үзүүлж мөн шилдэг 20 оролцогчийн нэг болсон бол   Монголын гоо бүсгүй www.missworld.com сайтын олон нийтийн санал асуулгаар 140 орноос эхний зургаад жагссан байна.