"Өүлэн" Л.Өнөрчимэг Баянзүрх дүүрэгт З.Энхболд, Б.Саранчимэг тэргүүтэнтэй өрсөлдөнө

Өөрийгөө "Өүлэн" хэмээн нэрийддэг, чөлөөт уран бүтээлч, тэмцэгч Л.Өнөрчимэг УИХ-ын 2020 оны сонгуульд Баянзүрх дүүрэг буюу 22-р тойрогт дахин нэр дэвшихээр болжээ. 2016 онд тэрээр Баянзүрх дүүрэгт бие даан нэр дэвшиж байсан бол энэ удаад О.Заяа даргатай Хөгжлийн Хөтөлбөр Намаас нэр дэвшин, өрсөлдөх юм байна. 

Түүнтэй уг тойрогт АН-аас нэр дэвшсэн АН-ын даргын ахлах зөвлөх З.Энхболд, НИТХ-ны төлөөлөгч Т.Батцогт, МАН-аас нэр дэвшсэн УИХ-ын гишүүн Б.Саранчимэг, Хууль Зүй, Дотоод Хэргийн дэд сайд асан Б.Энхбаяр, МАХН, ИЗНН, МУНН-ын "Та, бидний эвсэл"-ээс нэр дэвшсэн Р.Өсөхбаяр, Г.Золзаяа,  "Сахигтун" эвслээс нэр дэвшсэн эдийн засагч Л.Наранбаатар, "Зөв хүн электорат" эвслээс нэр дэвшсэн Г.Ариунхишиг нар өрсөлдөх ажээ.