10 саяас 1 тэрбумын үнэлгээтэй хурдан удмын адуутай эмэгтэй нэр дэвшигчид

Парламентын 8 дахь удаагийн сонгуульд 13 нам, 4 эвсэлийн нэр дэвшигчид болон бие даагчид нийлсэн 606 хүн өрсөлдөхөөр үнэмлэхээ аваад байгаа билээ. Тэгвэл АТГ-аас энэ удаагийн сонгуульд өрсөлдөж буй нэр дэвшигчдийн ХОМ-гийг авч, олон нийтэд зарласан. Нэр дэвшигчдийн ХОМ-тэй олон нийт танилцаж, хэн нь хэн бэ гэдгийг харж байна. Тэгвэл ХОМ-гээс хамгийн анхаарал татаж байгаа нэг өнцөг нь эмэгтэй нэр дэвшигчдийн хурдан удмын адууны тоо байв. Сонгинохайрхан дүүрэгт нэр дэвшиж байгаа хөтлөгч П.Анужин хурдан удмын 200 адуутай, тэр нь 1 тэрбум төгрөгийн үнэлгээтэй нь олон нийтийн сонирхлыг маш их татсан юм. Тэгвэл түүнээс гадна, 8 эмэгтэй нэр дэвшигч хурдан удмын адуутай хэмээн ХОМ-тээ дурджээ. УИХ-ын сонгуулийн 22 дугаар тойрогт өрсөлдөж байгаа Ц.Одонтунгалаг 199.3 саяар үнэлэгдэх 180 хурдан удмын адуутай. Тэгвэл мөн тойрогт өрсөлдөж байгаа Г.Золзаяа 200 саяын үнэтэй 123 хурдан удмын адуутай юм байна. "Шинэ эвсэл"-ээс Говь-Алтай аймагт өрсөлдөж байгаа Э.Эрдэнэтуяа 300 саяын үнэтэй 30 хурдан удмын адуутайгаараа энэ жагсаалтад нэлээд дээгүүрт бичигдэж байгаа юм. Ингээд хурдан удмын адуутай эмэгтэй нэр дэвшигчдийг танилцуулж байна.