COVAX хөтөлбөрийн 25740 тун Pfizer вакцин маргааш ирнэ

 

COVAX хөтөлбөрийн хүрээнд 25740 тун Pfizer вакцин маргааш манай улсад ирнэ гэж Гадаад харилцааны яамнаас мэдээллээ. Харин ирэх сард багтаан АстраЗенека вакцины 97600 мянган тун орж ирэхээр төлөвлөж байгаа юм.

Манай улсад COVID-19 халдварын эсрэг бүх нийтийн дархлаажуулалт эхлээд нэг сарын хугацаа өнгөрч байгаа бөгөөд өнөөдрийн байдлаар улсын хэмжээнд 223 мянган хүнийг хамруулаад байна. Монгол Улс Ази, Номхон далайн бүс нутагтаа вакцинжуулалтын явцаар Сингапур улсын дараа хоёрдугаарт явж байна.