Наро банчэн гэгээнтний ханилсан бүсгүйтэй танилц

Гэгээнтнээр тодорч, олны өмнө гарч ирсэн цагаас хойш охид, бүсгүйчүүдийн хайр булааж, нүд хужирладаг байсан Наро банчин гэгээнтэн насны хайраа олсон гэнэ шүү. Бүр болоогүй баян айлын ганц охинтой ханилж, хөрөнгөтэй айлын хүргэн хүүгээр тодорчээ. Түүний хадам аав нь “Хишиг арвин индустриал” ХХК-нийн босс аж. Оны өмнө Б.Болороо бүсгүйн талийгаач нөхрийн хэрэгт холбогдож, хүний амь эрсдсэн хэргийн эзэн компани гэнэ.

Богд уулын энгэрт байрлах сүм хийддээ чимээгүйхэн сууж, ном хурдаг байсан Наро банчэн жүжигчин Батмаатай нэр холбогдож байсан цаг саяхан. Түүнээс хойш эмэгтэй хүнтэй нэр холбогдоогүй олон жилийг ардаа үдсэн гэгээнтний эхнэрийг Х.Ариунзаяа гэдэг бөгөөд оны өмнө амаржиж, хүүтэй болсон гэнэ. Царайлаг гэгээнтэн хэнийг сонгож, хэнтэй амьдрах бол гэсэн хүлээлт саяхныг хүртэл байсан бол ийн насны ханиа сонгож, хадмын хаяа түшсэн гэгээнтэн үрийн зулай үнэрлээд амжчихсан байна шүү, цаана чинь.