Нүүрс тээврийн жолоочийн амийг хилчин байлдагч аварчээ

Нүүрс тээврийн машины аккумлятораас гал гарч байхыг харсан хилчин байлдагч жолоочийг нь сэрээж, галыг нэн дариу унтраалцаж, хүний амь аварчээ. 

Тодруулбал, Хилийн 0131 дүгээр ангид Өвөрхангай аймгийн Өлзийт сумаас 2020 оны нэгдүгээр ээлжээр татагдаж ирсэн байлдагч П.Энхбаяр энэ сарын 25-ны 05:00 цагийн орчимд  Гашуунсухайт салбарт үүрэг гүйцэтгэж байх үедээ нүүрс тээврийн машины аккумлятораас гал гарч байхыг харан жолоочийг нь сэрээж, галыг нэн дариу унтраалцсан байна.

Ийнхүү цаг алдалгүй шуурхай арга хэмжээ авсны үр дүнд иргэнд учирч болох амь нас, эд хөрөнгийн хохирлоос урьдчилан сэргийлж чаджээ. 

Эх сурвалж: Хил хамгаалах ерѳнхий газрын Олон нийттэй харилцах алба