О.Баасанхүү: С.Эрдэнэ, Х.Баттулга нар хуйвалдаж, АН-ыг хувийн компани болгох гээд байна

УИХ-ын гишүүн асан, АН-ын Нарийн Бичгийн дарга, хуульч О.Баасанхүү мэдээлэл хийлээ.

Энэ үеэрээ тэрээр: " АН-ын гишүүд эвлэлдэн нэгдэхээр ажиллаж байгаа. Гэтэл С.Эрдэнэ, Х.Баттулга гэсэн хоёр нөхөр хоорондоо хуйвалдаж, энэ намыг хувийн компани болгох гээд байна. Энэ хоёр эрүүгийн хэрэгт барьцаалагдсанаасаа болоод АН-аар тоглоод байна. Энэ хоёр болих хэрэгтэй. С.Эрдэнэ мэдэгдэл хийхдээ Х.Баттулгыг Оросын тагнуул, төмөр замын гэмт хэрэгтэн гэсэн. Тийм учраас АН Х.Баттулгыг шалгуулахаар хуулийн байгууллагад өгсөн юм.

 

 

С.Эрдэнийн хамтран гэмт хэрэг үйлдсэн этгээд нь 3 шатны шүүхээр ял авсан байна лээ, иймээс бид хуулийн байгууллагаас лавлагаа хүссэн. АН-ын байр хэн нэгэн компаний өмч байх ёсгүй. С.Эрдэнийн "Шонхор тауер"-т байж болохгүй. АН нэг хүний, нэг компаний нам байх ёсгүй. Дүрэм, үзэл санаанд суурилсан нэгдэл байх ёстой. С.Эрдэнэд бид АН-ын дараагийн даргыг сонгох процесст битгий саад бол гэж хэлж байгаа. УИХ-ын гишүүдийн дийлэнхи нь аль ч талд орохгүй, зөвшилцлийн талд орно гэж хэлж байна.

Ер нь бол бид анхнаасаа С.Эрдэнийг сольж амжаагүй байна л гэж хамтарч байсан, гэтэл одоо нөгөөх маань намын даргыг солих ажилд саад учруулж эхэлчихлээ. АН-ын эвлэрлээс МАН-ынхан маш их айж байгаа юм байна лээ. С.Эрдэнэ Х.Баттулгыг шүүмжилж, шүүмжилчихээд одоо тэврэлдээд яваад байгаа нь гутамшиг" гэв.

 

https://www.sonin.mn/news/peconomy/133711