БШУЯ: Хоёрдугаар улирлын хичээл нэгдүгээр сарын 30-нд эхэлнэ

Ерөнхий боловсролын сургуулийн хичээлийн жилийн бүтцийг Боловсрол, шинжлэх ухааны сайд баталдаг.

Сурагчдын нэгдүгээр улирлын амралт 2022 оны арванхоёрдугаар сарын 19-ний өдөр эхэлж зургаан дахь долоо хоногтоо үргэлжилж байна.

Хоёрдугаар улирлын хичээл 2023 оны нэгдүгээр сарын 30-ны даваа гарагт эхлэх хэвээрээ гэдгийг Боловсрол, шинжлэх ухааны яамнаас өнөөдөр (2023.01.23) мэдэгдлээ. 

Нэгдүгээр улирлын амралт 4 долоо хоног үргэлжилдэг ч цаг агаарын нөхцөл байдал, агаарын бохирдол, ханиад томуугийн дэгдэлт зэргээс хамааран нэгдүгээр улиралд 6 долоо хоног амарч байгаа юм.