Гэрээс нь 7,3 тэрбум төгрөг олдсон С.Батдөл энэ долоо хоногт суллагдах уу

Шинэ оны босгон дээр олон нийтийн бухимдлыг төрүүлж, шүүмжлэл дагуулсан асуудал бол УБТЗ-ын хурган даргын гэр, албан байгууллагаас их хэмжээний валют, үл хөдлөхийн гэрчилгээ олдсон үйл явдал байв. 

 

 

Сануулахад, УБТЗ-ын Тээвэр зохион байгуулалтын албаны орлогч дарга С.Батдөлийн гэрт Эрүүгийн цагдаагийн албанаас нэгжлэг хийж, хахуулийн байж болзошгүй 7,3 тэрбум төгрөгийг илрүүлсэн. Улмаар түүнийг нэг сарын хугацаатай цагдан хорьсон байгаа билээ. 

 

Тэгвэл түүнийг цагдан хорих хугацаа энэ долоо хоногт буюу энэ сарын 9-ны өдөр дуусах юм. Тиймээс прокуророос түүнийг үргэлжлүүлэн хорих шаардлагатай гэж үзвэл саналаа шүүх хүргүүлж, шүүх уг саналыг хэлэлцэнэ. Харин үргэлжүүлэн хорих шаардлагатай гэж үзэхгүй бол тэрбээр энэ долоо хоногт суллагдана.